Ц.Дашцэрэн
Би үл хөдлөх хөрөнгийн салбарт хоббитой. Дуртай ажлаа хийж байгаа нь миний болон хамт олны гол хөдөлгөх хүч болдог. Бид хөгжлийн зүг чигээ зөв тодорхойлж, урьдчилан судалж сайтар төлөвлөж, сэтгэл хангалуун, үр бүтээлтэй ажиллахыг гол зорилгоо болгодог.
Мастер Группийн хамт олон үл хөдлөх хөрөнгөөр төрөлжсөн хөрөнгө оруулалтын бизнесийн дэлхийн стандартыг Монголдоо нутагшуулах зорилго тавин хичээн ажиллаж байна. Хотын соёл, суурин иргэншилтэй улс орнуудын хувьд энэ чиглэлийн бизнес өөрийн гэсэн хөгжлийн замыг туулж, шалгарсан моделийг бий болгосон. Бид ч мөн энэ шалгарсан моделийг үл хөдлөхийн салбартаа нэвтрүүлэн хэрэгжүүлж байж цаашид хөгжинө.
Монгол улсын эдийн засгийн үндэс нь баялаг шүү дээ. Аль ч улсын баялаг иргэдийнх нь эзэмшиж буй хөрөнгөөр тодорхойлогддог. Хувь хүний цуглуулсан хөрөнгө, орон сууц, үйлдвэрлэл, бизнес бол тухайн улсын баялаг юм. Тэгвэл тэр баялаг богино настай, хэврэг, ирээдүйн үнэ цэнгүй, хямдхан байж болохгүй. Мастер группийн хамт олон худалдан авагч нартаа хамгийн сайн байршил, өсөж өргөжих нөхцөл, чанар, тав тухыг өгдөг хэрнээ зах зээлийн дундаж үнийг санал болгодог нь манай бизнесийн ноу-хау гэж би боддог.
